سؤال يستفزني والله؟؟؟؟؟؟؟؟؟؟؟؟؟؟؟

[حنين الذاكرة]

السلام عليكم ورحمةالله وبركاته

هذا ياجماعة الخير في اشي بيصير معي دايما

وغصب عني واجباري

ليش مابعرف

وانامتأكدة ان بصير مع اغلب الناس والي "بدرسوا" خاصة هذا اذا مش كلهم

الحاصلة

انا حكتلكم ان عندي امتحان "طبعا الي تابع موضوع "تعالوا نحلهايا جماعة" بكون وصله الخبر:mm1:

هذا كنت قاعدة وفاتحة المنتدىوالمسنجر شغال والاناشيد
انطلاقة وحماس"عشان ملايمةالوضع"

واختكم عشرة على عشرة كل شئ تمام :Good:

شو بدكم بالطويلة

هذا لما شفت حالي صحتي منيحة ومتنشطة حكيت يا بنت قومي راجعي امتحانك وادرسي

ورديت على حالي

بس للأسف او ما حطيت هالنظارات "كوني ما بشوف الا فيهم" ونويت ها لسه افتح الكتاب الا وهي

:D18:

نوبة

كبيييييييييييييييييييييييييييييييييييرة

من النعس طالة على اختكم وخلص قفلت وصرت بدي انام



والله وكيلكم داييييييييييييييييييييييما هيك بصير معي

:((: :((:

واكيد الكل بيصير معااااااه هيك:((:

فالسؤال الي انا طولت


ليش الواحد لما يجي يدرس بتسكر معاااه وببطل بده يدرس؟؟؟؟

وشو الحللللللللللللللللللللللللللللللل؟

سامحونياذا ثقلت دمي عليكم

[الدرة المكنونة]

اولا استعيذي بالله من الشيطان الرجيم

ثانيا روحي اعملي كاسة شاي مرتبة او نسكافيه واشربي

ثالثا اطفي جهاز الكمبيوتر وغيري الغرفة اللي انتي فيها

رابعا غيري القعدة من وقت لاخر وحطي راسك بكتابك
واخيرا

بالتوفيق ان شاء الله

[حنين الذاكرة]

مشكورة اختي الدرة المكنونة

نعوذ بالله من الشيطان الرجيم

وهسه رح اسكر هالجهاز

وهي كاسة النسكافيه معي

واطلع من الغرفة كلها

والا احكيلك بطلع من الدار اذا صار مجال

بس المهم ادرررررررررررررررررررس :((:

نصائح مفيدة ان شاء الله تزبط:)


بس السؤال ان ليش بيصير معنا هيك؟؟؟

[الدرة المكنونة]

والله ما بعرف ليش

بس اهم شيء روحي ادرسي وما بدنا نشوفك من هسا لبكرة

[أبو غيث]

ا



هذا كنت قاعدة وفاتحة المنتدىوالمسنجر شغال والاناشيد
انطلاقة وحماس"عشان ملايمةالوضع"

جيد...في ناس ما بدرسو الا والمنتدى قدامهم


اختي ...

يمكن تقولو هاذ الزلمه خرفن

بس انا لما كنت بالتوجيهي كان يصير معي نفس الشي

رحت عند شيخنا الله يباركلنا فيه

حكالي مخبوط عين والعياذ بالله

قرأ على آيات الرقيه ..وقرأهن على قنيه مي
وصرت قبل ما ابلش ادرس ..اغسل وجهي من هاي المي
طبعآ راسي كان بدو يفقع وهو بقرأ علي
والحمد لله جبت علامة ممتازه بالتوجيهي


يمكن في ناس ما بئامنو بهيك شغلات

بس انا بآمن فيها

جربيها ودعيلي

[الدرة المكنونة]

ا


جيد...في ناس ما بدرسو الا والمنتدى قدامهم


اختي ...

يمكن تقولو هاذ الزلمه خرفن

بس انا لما كنت بالتوجيهي كان يصير معي نفس الشي

رحت عند شيخنا الله يباركلنا فيه

حكالي مخبوط عين والعياذ بالله

قرأ على آيات الرقيه ..وقرأهن على قنيه مي
وصرت قبل ما ابلش ادرس ..اغسل وجهي من هاي المي
طبعآ راسي كان بدو يفقع وهو بقرأ علي
والحمد لله جبت علامة ممتازه بالتوجيهي


يمكن في ناس ما بئامنو بهيك شغلات

بس انا بآمن فيها

جربيها ودعيلي

وانا أؤمن بها ايضا
يجب على الانسان بين الفينة والاخرى ان يقرأ على نفسه ايات الرقية خصوصا اذا شعر بتغيير صعب بحاله دون اي سبب يذكر

شفيتم جميعا

[رحيق داعيـة]

والله يا أختي . . . شعور بعاني منه الاغلب
وأولهم اختك مسك الجراح . .
:(
لكن ممكن لأن التعليم بحد ذاته هو معاناة يعاني منها الطلاب بهدف حصولهم على الشهادة ، فعندما يدرس الطالب حتى يحصل بالاخير على الشهادة سواء الجامعية او المدرسية ، ستكون سعادته في حصوله على الشهادة فقط دون استمتاعه بالمادة العلمية ودائما يتولد عنده الشعور بأن المادة واجب ثقيل يسعى لتحقيقه لا غير " ومن هالحكي " . .
فمن وجهة نظري أن الطالب لو وضع هدفا آخر من دراسته بجانب هدفه للحصول على الشهادة الجامعية مثلا كأن يجعل دراسته فائدة لحياته العملية لا الدراسية فقط ، يقوى ثقافته ، يزيد من قدرته على ادارة اسلوب حياته ، اعتقد سيكون عنده استمتاع أقوى عند الدراسة . . :)

يعني بنصير متل هيك :sm256:

أيضا لو حاولنا ادخال اساليب جديدة للدراسة . . ممكن تزبط :mm1: ، و نكسر القاعدة الثابتة لدينا أنّ الدراسة هم كبير من الضرورة الخلاص منه . . ! ! ! :AW23:
و أعتقد أن أهم شيء هي الارادة الداخلية . .

أما بالنسبة للقلق والارتكاب . .
شيء طبيعي لما الانسان يواجه اي موقف يشعر بالقلق وخصوصا بالامتحان . .فأعتقد علاجها ان تكون ثقتنا بأنفسنا عالية . .
وكما تفضلوا الاخوة أنّ القرآن هو دواء القلوب وشفاؤها . .

كانت وجهة نظر لا غير من اختك ارجو ان تتقبليها . . :))
ونسأل الله التوفيق لك ولنا وللجميع اختي الكريمة . . .
بوركتِ . . .

[أبو أيهم]

ادعي الله أن يفتح نفسك على الدراسة


أنا عارف يا اختي.....


بس أنا بهيك حالة بربط الساعة على اني انام خمس ساعات وبس أصحى بكمل دراسة.


قوي قلبك أختي وسكري الكمبيوتر كله يوم ..:11air:

[دعوة خالدة]

ههههههههه والله يا اختي الحال من بعضو :( :( وما في بإيدنا الا انا ندعي ربنا يهدينا ويوفقنا
ونحط عقلنا براسنا ونحسب قديش بنضيع من وقتنا عالفاضي :11air: :11air:
بتلاقي الامتحان بدو بس 3ساعات دراسة احنا بنخليهم 3 ايام الله يهدينا :( :(

وبالتوفيق للجميع

دعواتكم :))

[الموحد]

بكل بساطة


لانك اختي درستي بنفس اليوم .. الطاقة المكتسبة للدماغ فرغت بالدراسة...شبه منتهية ...مثل بطارية البلفون
فلازم تنامي لترجع مشحونة وجاهزة :Aw8:

انصح الجميع بمراجعة ما درسوه بالامتحان بعد صلاة الفجر

وليس بعد دراستهم بفترة قليلة بنفس اليوم:11air:

[همتي لأمتي]

السلام عليكم ورحمة الله وبركاته



ليش الواحد لما يجي يدرس بتسكر معاااه وببطل بده يدرس؟؟؟؟

وشو الحللللللللللللللللللللللللللللللل؟


رضي الله عنك أخيتي .. سؤال حلو , وإجابات اخواننا أحلى ..

طبعا أنا بدي أجاوب , بس أكيد من وجهة نظري

برأيي أن السبب أن النفس البشرية ما بتحب الضغط المتمثل بالدراسة .. يعني قارني بين الوضع اللي وصفتيه وما فيه من حيوية ونشاط , فأكيد ما راح تتمني تغيري هذا الجو وتنتقلي للدراسة ..

أما شو الحل , فالحل أنا من وجهة نظر أختنا مسك الجراح أن لازم يكون عندنا إرادة , وأيضا هدف نضعه نصب أعيننا لما نشعر أن كلينا أو ما عدنا نرغب بمتابعة الدراسة نتذكره فيعطينا شحنات ودفعة للأمام تخلينا نقدم على الدراسة برغبة وهمة ونشاط ..

ربي يفتح عليك أخيتي وعلى جميع اخواننا ويوفقكم لكل خير


دعواتكم

[حبيبة الرسول]

بكل بساطة


وليس بعد دراستهم بفترة قليلة بنفس اليوم:11air:




اعتذر يا اخي ... لكن ردك أضحكني جداااااااااااا


مراجعة بنفس يوم الدراسة ... والله يا اخي فكرت انك رح تقول ... الدراسة قبل الامتحان بيوم ... و عدم الدراسة اول بأول ...

لكن ما ذكرته ... هو الواحد بيلحق يخلص المادة ... مشان يراجع :( .. و بنفس اليوم كمااان ...



وأنا كانت اضافتي ... انه الدراسة و المتابعة اول بأول تسهل دراسة الامتحان ... فبتكون الدراسة اسرع .. و لا بننعس و لا بننام .. و لا بيصيبنا الهلع و الخوف لأننا حاسيين مخنا قفّفففل ...



دعواتكم ..

بالتوفيق حنين

:

:

:

:


:



:


:



:
:


:

الذاكرة ... :))





:

[حنين الذاكرة]

مشكورين على تفاعلكم
بصراحة ردودكم كلها اعجبتني وبعضها موتني من الضحك :Aw8:
ولكن:36_6_7:

صدقا في كل رد وجدت بعض الاجوبه الشافية وما كنت أرمي اليه...:)

يعني هو انا صح امبارح كان عندي امتحان بس الحمد لله كنت تقريبا خاتمة وضايل علي مراجعة المادة:)

بس هي حقيقة بتصير ان الواحد بينعس مش عشان الدراسة فقط

احيانا تكون قاعد بتتفرج على التلفزيون وتنعس فجاة وما تقدر تقاوم ومرات عالنت نفس الشئ :AW23:

وفي كثير امور بتخليك تنعس

مصدر النعس هو اني لا أشعر بمتعة بالعمل الي بعمله
يعني ما بستمتع عالنت مثلا احيانا واحيانا بتلاقيك مش طايق التلفزيون:mm1:

أساس نشاطنا بممارسة الشئ هو اني أشعر بمتعة وانا اعمل فيه واني مبسوطة جدا واتشوق للعمل به

ويكون عندي ارادة ان اكمل ما بدأت به كما تفضل بعضكم

اما لو اجينا للوضع الجسدي فان ارهاق جسمك والضغط الزيادة بولد انفجار لأنابيب النوم التي تتدفق الى عينيك لتنام:)

يعني اذا لم اعطي لنفسي وقت من الراحة وعودت حالي مثلا لست او سبع ساعات دراسة متواصلة فمعناها انا برهق جسمي

وبصير الجسم بحاجة ان يرتاح ويوخذ حقه من الراحة فلهيك "ان لجسمك عليك حقا"

وبصراحة هذا الي كانت اختكم مواجهته امبارح وهي تدرس ان صابني ارهاق شديد دوام ودراسة وهموم ومسؤوليات اخرى:sm252:
فما ضل راحة..

هاي الاسباب
والعلاج كما ذكرت سابقا اخلق محبة الشئ بنفسك تجدك مبدع فيه
وان لجسمك عليك حق فارتاح وما تضغط حالك..

[حنين الذاكرة]

الدرة المكنونة
مشكورة اختي ورح نعمل بنصيحتك
فهي في مكانها

اخي ابو غير صدقت احيانا بكون مثل ما حكيت
وفي القران دواء لكل داء

بس عفكرة اختك ما اذا عزمت عالدراسة ممنوع راديوا او مسجل او كمبيوتر يكونوا مشغلات
صح بحب المنتدى بس ما بقرنه بدراستي
بلكي النت قطع شو وقتها أعمل :((:

مسك الجراح
العقل المفكر ما شاء الله بصراحة ردك اعجبني كثير مبين انك كثير فهمانة:Good:
مشكورة

أبو أيهم مشكور على دعواتك يا اخي
ذكرتني رد بول قوي قلبك
بصراحة ما في اقوى من قلبي وخصوصا لما اعزم عالدراسة والمشكلة ما كانت الكمبيوتر
المشكلة كانت ان اختكم نعست يعني No Energy ومثل ما حكيت النوم منيح:Good:
مشكور اخي


اختي Em Musheer
اضحك الله سنكم اختي
وهسه ان شاء الله بتكوني لقيتي الحل

الموحد
مشرف!
اهلا بك شرفتنا يا مشرفنا
بصراحة انا صارلي اسبوع بدرس عالمادة يعني مش قصة ان مش مراجعة:11air:

اختي همتي لأمتي
مشرفتي الحبيبة
صدقتِ في ما قلتي والله كلامك سليم مية المية:Good:


حبيبة

















الرسول
نورتينا وان شاء الله دايما بتضحكي وبتنبسطي
طيعا الدراسة ومتابعتها امر مهم بتشجع الواحد:)

بصراحة اعجبني تفاعلكم
وابسطوني

وان شاء الله رح ازبط بالامتحان
والكم حلوان خاص وقتها

[أبو غيث]

هاي الاسباب
والعلاج كما ذكرت سابقا اخلق محبة الشئ بنفسك تجدك مبدع فيه
وان لجسمك عليك حق فارتاح وما تضغط حالك..



اسلووووووووب رائع جددآآ

بارك الله فيكم

سألتي السؤال وانتي جاوبتي

الابداع بلش يطلع
:)

[الدرة المكنونة]

على سيرة الرد بول
اياكم وشرب هالمشبوهات مثل الاكس ال

اما بالنسبة للدراسة والظروف المحيطة انا كنت ما بعرف ادرس وفي اشي بتحرك ولا طالع صوته عندي
واهم شي انه الواحد ما يدرس والنت شغال....لانه بكون مثل السوسة.......ادمان الواحد ما بقدر يقاوى
واحلى شي عملته ايام امتحانات الفاينل قبل ما اتخرج......مشان النت والمنتدى ما يلهوني واكوع بمادة قررت وبعدطول وقوة تحدي جبت المقص وقصيت سلك النت

وبعدين اهم قاعدة بنظري واللي كنت اعمل فيها:
ما تروحي عالامتحان الا وانتي مصحصة وشبعانة نوم ولو ما خاصتي دراسة

كثرت حكي........صح؟:)

[الدرة المكنونة]

بس ما حكيتي: كيف عملتي بالامتحان؟؟؟

[معتزة بإسلامي]

أختي حنين الذاكرة:
فتح الله عليك وعلى كل طالب وطالبة للعلم
أنا بعرف إنه من الأسس الناجحة للدراسة:
التوكل على الله بعد الأخذ بالأسباب
الإرادة القوية للدراسة
اختيار المكان المناسب للدراسة
عدم الدراسة بشكل متواصل وقت طويل بل يجب أن تعطي نفسك فرصة راحة
لازم تغيري المكان اللي بتدرسي فيه توكلي أو تشربي اشي
ومن أهم الأسس شرب الماء لأنه يفتح خلايا الدماغ
والتنفس الصحيح: يعني لما اتشوفي حالك نعوستي وزهقتي وقفي وخذي نفس من البطن مش من الأكتاف يعني أكتافك مش لازم تتحرك معك
تبسيط المادة ومحاولة رسم خريطة دماغية لتسهيل دراستها
إن شاء نستفيدي انتي وكل من يقرأ هنا
دمتم بتركيز في الدراسة

[ابن الجامعة]

السلام عليكم و رحمة الله...

بناء على تجربة أخيكم الصغير: دراسة المادة أولا بأول، هو الحل الامثل لاعلى العلامات بدون تعب ليلة الامتحان:)

يعني فرق شاسع بين انك تبدأ تدرس المادة و انت مستغرب و مش فاهم اشي و يمكن تقوم تتاكد انك ماسك الكتاب او الدفتر الصحيح :)) ، و بين أن تبدأ قبل الامتحان بيوم أو يومين بعملية مراجعة سريعة توثق فيها معلوماتك و تزيد قربك للتفوق...

تنظيم الوقت و اخذ القسط الوافر من النوم و الاستراحة بين الفينة و الاخرى له دور أيضا...

دعواتكم

[فيزيائية القسام]

جزيتم خيرا اخوتي


بالفعل كل الكلام اللي ذكر صحيح


اما بالنسبة لحالة النعاس اللي ممكن نصاب فيها عند الدراسة فهاد شي طبيعي

يعني بصير مع كل الناس

لذلك بنام منيح حتى لو ساعتين وبعدين بقوم بعملي كاسة نسكافيه وبدرس على راحتي

طبعا بيتخلل هاي الدراسة القعدة مع الاهل واتسلى شوي مع بنت اخوي (هاي اللي بالصورة)


وازا كان الوقت ليل بفتح النت بقرأ اشي يخفف علي او اسمع انشودة حلوة


وبعدين بكمل دراسة


ورح تلاحظي انو استمتعي بالدراسة


وانو لازم دايما نحط ببالنا انو الامتحان مش عقاب ابدا

بالنسبة للدراسة :: الدراسة اول بأول جدا مفيدة ومجربة هادا الاشي وما بتحسوا انو عليكم دراسة كتيرة يوم الامتحان بالعكس بتحسوا حالكم بتراجعوا بالمادة وخصوصا ازا كانت مادة علمية


ما طولت عليكم صح؟؟ هههه

المهم خلصت فترة الاستراحة....... ولازم روح كمل دراسة الديفرنشل عندي سيكند بكرة


يلا بالتوفيق اختي



دعواتكم


^_^

[تيمة الحبيب]

ههههههههههههههههههههه


وانا مفكرة لحالي هيك هههههههه


والله انا بقعد اكثر من7ساعات نت وما بنعس ولا بيجي ع بالي انام

ولما امسك الكتاب ادرس بلقى حالي نمت!!!!!!!!!!


مشكوووووررررررررين على هالنصائح ان شاء الله بنطبقها


>>


استغفر الله