منوعات يوم الجمعة .. تفضلواا

[اقصانا سنـعود]

بسم الله الرحمن الرحيم

السلام عليكم ورحمة من الله وبركاته


بما انه اليوم يوم الجمعة ويوم جميل جداً والاهم انه هادا اليوم مفضل عند الرحمن
وبالنسبة الي بحب يوم الجمعة وبسميه " يوم الحسنات " ،، وبحبه لانه يوم جمعة العائلة وما في اروع ولا اجمل بأنه نجتمع مع العائلة

اليوم حبيت اقدملكم شوية منوعات من اهداف ، وحكمة ، وآية ، وحديث ، وطبخة يوم الجمعة واكيـــــــد غيرهم .....

نبدأ بأسمـ الرحمن

1. :: اهداف يوم الجمعة ::

أ. قراءة سورة الكهف
ب. الاكثـــار من الصلاة على المصطفى " عليه الصلاة والسلام "
ج. الاكثار من ذكر الرحمن
د. الـــدعاء " خاصة اخر ساعة في يوم الجمعة "

****

2. :: حكمـــــة يومـ الجمعة ::

" من سعى جنى ومن نام رأى الأحلام "
هذه الحكمة تحثنـــا على عمل الخير فلنكثر من العمل الصالح اليوم

****

3. :: آيـــة يوم الجمعـــة ::

( فَإِذَا عَزَمتَ فَتَوَكَّل عَلَى اللَّهِ إِنَّ اللَّهَ يُحِبُّ المُتَوَكِّلِينَ )

بما انه هادي فترة امتحانات عند بعض الاخوان
توكلوااا على الله وخذو بالاسباب

****
4. :: طبخــــة يوم الجمعة ::

طبعا عنا في فلسطين تلات ارباع الشعب الفلسطيني يوم الجمعه بياكل مقلوبة
واحنا في البيت كذلك
بس الوالدة الله يجزيها الخير لسا ما طبخت فجبتلكم صورة من عمو جوجل


http://www.ii1i.com/uploads4/4fa0139ada.jpg (http://www.ii1i.com)

طبعاً احنا ما بكون شكلها مرتبة الا لما نقلبها وبعدها الوالدة الله يجزيها الخير بتفردها

****
5. :: ورقة التقويم ليوم الجمعة ::

http://www.ii1i.com/uploads4/5ef769d7b2.jpg (http://www.ii1i.com)

http://www.ii1i.com/uploads4/0c3402eff5.jpg (http://www.ii1i.com)

الاشي الي بقهر انه الورقة ضاعت مني ومش لاقيتها اسفـــة

****

6. :: طلب يوم الجمعة ::

كل واحد يروح على امه وابوه ويحكيلهم :-
" بحبك يمـــا ،، بحبك يابا ،، وبغمى فيكم غميــــان "

****
7. :: نكتة يوم الجمعة ::

مرة واحد محشش كشفوا مزور شهادة التوجيهي كيف :-
كاتب ناجح ويرفع الى سنه اولى جامعة

******************

وبس
الجمعة هادي بكفي
ان شاء الله بنلتقي الجمعة الجاي بأذن الرحمن بأشياء احلى واروع
بتمنى مشاركاتكم
والاكثار من الصلاة على المصطفى " عليه الصلاة والسلام "

دعواتكم
تحياتي

[خادمة الرسول]

جزاك الله كل الخير اختي الغاليه

على هذه المنوعات

[بسمة أمل]

بارك الله فيكي اخيتي

جزاكي الله كل الخير

[اقصانا سنـعود]

جزاك الله كل الخير اختي الغاليه

على هذه المنوعات

الله يجزيكِ كل الخير
بتمنى انها تكون نالت اعجابك

تحيتي

[اقصانا سنـعود]

بارك الله فيكي اخيتي

جزاكي الله كل الخير

الله يبارك فيكِ ويجزيكِ الخير اختي بسمه

لكِ كل التحية

[الدرة المكنونة]

جزاك الله خيرا على هذه الوقفة
وبما انه اليوم الجمعة الدعاء فيها مستجاب ما تنسوا تدعولي

[اقصانا سنـعود]

جزاك الله خيرا على هذه الوقفة
وبما انه اليوم الجمعة الدعاء فيها مستجاب ما تنسوا تدعولي

الله يوفقك ويرعاكِ يا اختي
وان شاء الله بكتبلك الخير

[أبو غيث]

بارك الله فيكم اختنا

يوم الجمعه مميز

وخاصه في ابوديس


والغدا ..
..

مرتديلا وشمينت في اغلب الايام اذا كنت لحالي

[اقصانا سنـعود]

بارك الله فيكم اختنا

يوم الجمعه مميز

وخاصه في ابوديس


والغدا ..
..

مرتديلا وشمينت في اغلب الايام اذا كنت لحالي

اكيد لما تروح ع البيت عند الوالدة وتكون طابخة عدس بتحسها منسف ...
الله يعينك ويوفقك
وان شاء الله بتتخرج وبتخلص من وسخ غازات السكنات اهم شي

تحيتي

[ياسمينة]

بارك الله فيكِ اختي ..........موضوعك كتير حلو ..............الله يجزيك الخير