أبو عبيدة
21st November 2007, 07:23 PM
خرابيط الطريق !!"
(أمثال شعبية فلسطينية قديمة متجددة)
مخلص برزق*
12/11/2007م
- دخلك يا بو عدنان اشو آخر الأخبار؟
- شو بتتوقع يا أبو فراس يعني.. "اتبدلت غزلانها بقرود".
- مافهمتك ؟
- يعني بصراحة هالطارئين علينا نصبوهم حكومة طوارئ بدل حكومة الوحدة الشرعية وعلى راسها هذا اللي "اجا ونام عنا ليلة وساوى حاله من العيلة"، بعد ما قضى عمره كله بأمريكا!!
- مش هيك الحكي يا بوعدنان والزلمة لسه "ما بنعرف خيره من شره".
- أي والله لو"حبسوه مع ابليس في كيس بطلع ابليس يستغيس" هذا "زي البرد سبب كل علة".
- لـه يا زلمة "الحيطان الها ودان" "احنا بنمشي الحيط الحيط وبنقول يارب الستيرة".
- ولليش الخوف؟ أي والله " الساكت عن الحق زي الناطق في الباطل". بعدين اشو اللي بدو يصير؟ "مابصير اكثر من اللي صار" ، والمثل بيقول "النعجة المذبوحة ما يوجعهاش السلخ"..
- يازلمة "مش كل اللي بنعرف بنقال".
- بصراحة يابو فراس "اللي بعمل حاله نخالة بتنقه الجاج" واللي قاعد بصير ما بينسكت عليه..
- شوف يابوعدنان الحكاية أكبر من صاحبك. هذي يا عمي أمريكا و"حدا بقدر يقول للغول عينك حمرا" ؟
- واشو يعني أمريكا مادام المسألة بتخص هالأرض .. لأنو يا بوفراس "اللي بفرط بأرضه بفرط بعرضه" مش قالوا "الأرض عرض " ؟
- معلش لكن احنا "مش قدها" و"ليش نعمل حالنا أبو علي".
- يا حبيبي " التعوير في الوش.. مافيهوش معلش".
- والله اشو بدي اقول "طاسة وضايعة".
- أبداً الطاسة مش ضايعة و"خيرنا مابصير يروح لغيرنا" وهذا مش خيرنا وبس هذي أرضنا بتضيع ودمنا اللي بيسيل.
- لكن الصحيح احنا لازم نرضى باللي قاعدين برتبوه النا في "أنا إبليس" حتى لو ضاع اشي من حقوقنا لأنه "نص العمى ولا العمى كله" وزي ما بقول المثل :"بلا أهون من بلا والكساح أهون من العمى ".
- البلا هو اللي راح ييجي من خربطة هالطريق اللي بدهم يطبقوها علينا في مؤتمر الأبالسة الخريفي ..
- ولو، لليش؟ طيب مش بقولوا "عليك بخارطة الطريق ولو دارت وبنت العم ولو بارت"؟
- "والله هذي آخر سمعة"، هسّ أمريكا صارت بنت عم؟ أي والله إنها ألد عدو و"عدو أبوك وجدك مابودك ولو عبدتو عبادة ربك" اشو اللي بتقولوا يازلمة.
- أنا اللي بعرفه إنو "الإيد اللي ما بتقدر تقطعها بوسها وادعي عليها بالقطع" وهذا اللي احنا بنعمله مش شايف الكل في هالمساجد بدعوا على أمريكا؟
- لا والله "كشّر عن نابك كل الناس بتهابك" واحنا مابصير نكون حيطة واطية لا لأمريكا ولا لغيرها لأنه"الحيطة الواطية بنطوا عليها الكلاب ".
- أنا قناعتي إنو "ما باليد حيلة" و ""كيف مااجت تيجي" وهذا "قضا وانكتب".
- والله يابوعدنان أنا معك لكن بعد اللي صار في العراق شكله "الدور علينا" و"الحبل على الجرار" والمثل بيقول "طيع لاتضيع" و"خليك على مقرودك ليجيك اقرد منه".
- والله إذا بدك تطاوع الأمريكان راح تنذل وتنهان والمثل برضه بقول " الحق الغراب بدلك على الخراب" و"هذي أمريكا وهذي بلاويها" .
- يا عمي "اللي ما إنت طوله لاتطاوله" و"هذا الحكي ما بجيب خبز" لكن أمريكا يمكن تجيب النا شوية خبز!
- والله "عشم ابليس في الجنة" ويا "طالب الدبس من ذيل النمس" و"إذا كنت نسيت بأذكرك" وعلى رايهم "إذا كنت نسيت اللي جرى هات الدفاتر تتقرا" وانت نفسك شفت شو عملوا في العراق و"اللي بياكل رغيف الظالم بحارب بسيفه" واللي بيروج لمؤتمر أنابوليس أخو لإبليس، بتقبل تكون هيك يا بوفراس؟
- أنا ما بقول نتخلى عن حقنا لكن "بالتي هي أحسن".
- يا بوفراس إحنا اصحاب حق و"الطلب الهين بيضيع الحق البين" و"الحق اللي وراه مطالب مابيموتش".
- بس خلينا نجرب "لعل وعسى"، بعدين "زمان أول تحول" ويمكن انو أمريكا تغير من سياساتها لصالحنا هالمرة والست كوندرليسا شكلها طيب وناوية النا خير.
- والله يا بوفراس "اللي أصله كلب لازم ينبح" و"وين ما بقعد بنجس" و"اللي فيه طبع ما بغيره" وبصراحة انت باين الخوف قاتلك والخوف زي ما بقولوا "قطاع الركب".
- وانت لارضيت بمدريد ولا بأوسلو وإجا اللي أسخم منهم وهذي خريطة الطريق و"أناابليس" ومش عاجباك صراحة "انت مابعجبك العجب ولا الصيام في رجب".
- أنا والله بانصحك لكن الظاهر انو "اللي بينصحك زي اللي بيرصعك".
- على العموم " اللي بيجري على الناس بيجري علينا" والمثل بقول "حط راسك بين هالروس وقول يا قطاع الروس".
- كل اللي بدي أقوله "داوي جرحك مليح لابيدمي ولا بقيح" واحنا دوانا بها الجهاد المبارك والمقاومة بكل شارع وطريق مش بالجبن والخوف والجري ورا خرابيط الطريق!!
*كاتب فلسطيني
(أمثال شعبية فلسطينية قديمة متجددة)
مخلص برزق*
12/11/2007م
- دخلك يا بو عدنان اشو آخر الأخبار؟
- شو بتتوقع يا أبو فراس يعني.. "اتبدلت غزلانها بقرود".
- مافهمتك ؟
- يعني بصراحة هالطارئين علينا نصبوهم حكومة طوارئ بدل حكومة الوحدة الشرعية وعلى راسها هذا اللي "اجا ونام عنا ليلة وساوى حاله من العيلة"، بعد ما قضى عمره كله بأمريكا!!
- مش هيك الحكي يا بوعدنان والزلمة لسه "ما بنعرف خيره من شره".
- أي والله لو"حبسوه مع ابليس في كيس بطلع ابليس يستغيس" هذا "زي البرد سبب كل علة".
- لـه يا زلمة "الحيطان الها ودان" "احنا بنمشي الحيط الحيط وبنقول يارب الستيرة".
- ولليش الخوف؟ أي والله " الساكت عن الحق زي الناطق في الباطل". بعدين اشو اللي بدو يصير؟ "مابصير اكثر من اللي صار" ، والمثل بيقول "النعجة المذبوحة ما يوجعهاش السلخ"..
- يازلمة "مش كل اللي بنعرف بنقال".
- بصراحة يابو فراس "اللي بعمل حاله نخالة بتنقه الجاج" واللي قاعد بصير ما بينسكت عليه..
- شوف يابوعدنان الحكاية أكبر من صاحبك. هذي يا عمي أمريكا و"حدا بقدر يقول للغول عينك حمرا" ؟
- واشو يعني أمريكا مادام المسألة بتخص هالأرض .. لأنو يا بوفراس "اللي بفرط بأرضه بفرط بعرضه" مش قالوا "الأرض عرض " ؟
- معلش لكن احنا "مش قدها" و"ليش نعمل حالنا أبو علي".
- يا حبيبي " التعوير في الوش.. مافيهوش معلش".
- والله اشو بدي اقول "طاسة وضايعة".
- أبداً الطاسة مش ضايعة و"خيرنا مابصير يروح لغيرنا" وهذا مش خيرنا وبس هذي أرضنا بتضيع ودمنا اللي بيسيل.
- لكن الصحيح احنا لازم نرضى باللي قاعدين برتبوه النا في "أنا إبليس" حتى لو ضاع اشي من حقوقنا لأنه "نص العمى ولا العمى كله" وزي ما بقول المثل :"بلا أهون من بلا والكساح أهون من العمى ".
- البلا هو اللي راح ييجي من خربطة هالطريق اللي بدهم يطبقوها علينا في مؤتمر الأبالسة الخريفي ..
- ولو، لليش؟ طيب مش بقولوا "عليك بخارطة الطريق ولو دارت وبنت العم ولو بارت"؟
- "والله هذي آخر سمعة"، هسّ أمريكا صارت بنت عم؟ أي والله إنها ألد عدو و"عدو أبوك وجدك مابودك ولو عبدتو عبادة ربك" اشو اللي بتقولوا يازلمة.
- أنا اللي بعرفه إنو "الإيد اللي ما بتقدر تقطعها بوسها وادعي عليها بالقطع" وهذا اللي احنا بنعمله مش شايف الكل في هالمساجد بدعوا على أمريكا؟
- لا والله "كشّر عن نابك كل الناس بتهابك" واحنا مابصير نكون حيطة واطية لا لأمريكا ولا لغيرها لأنه"الحيطة الواطية بنطوا عليها الكلاب ".
- أنا قناعتي إنو "ما باليد حيلة" و ""كيف مااجت تيجي" وهذا "قضا وانكتب".
- والله يابوعدنان أنا معك لكن بعد اللي صار في العراق شكله "الدور علينا" و"الحبل على الجرار" والمثل بيقول "طيع لاتضيع" و"خليك على مقرودك ليجيك اقرد منه".
- والله إذا بدك تطاوع الأمريكان راح تنذل وتنهان والمثل برضه بقول " الحق الغراب بدلك على الخراب" و"هذي أمريكا وهذي بلاويها" .
- يا عمي "اللي ما إنت طوله لاتطاوله" و"هذا الحكي ما بجيب خبز" لكن أمريكا يمكن تجيب النا شوية خبز!
- والله "عشم ابليس في الجنة" ويا "طالب الدبس من ذيل النمس" و"إذا كنت نسيت بأذكرك" وعلى رايهم "إذا كنت نسيت اللي جرى هات الدفاتر تتقرا" وانت نفسك شفت شو عملوا في العراق و"اللي بياكل رغيف الظالم بحارب بسيفه" واللي بيروج لمؤتمر أنابوليس أخو لإبليس، بتقبل تكون هيك يا بوفراس؟
- أنا ما بقول نتخلى عن حقنا لكن "بالتي هي أحسن".
- يا بوفراس إحنا اصحاب حق و"الطلب الهين بيضيع الحق البين" و"الحق اللي وراه مطالب مابيموتش".
- بس خلينا نجرب "لعل وعسى"، بعدين "زمان أول تحول" ويمكن انو أمريكا تغير من سياساتها لصالحنا هالمرة والست كوندرليسا شكلها طيب وناوية النا خير.
- والله يا بوفراس "اللي أصله كلب لازم ينبح" و"وين ما بقعد بنجس" و"اللي فيه طبع ما بغيره" وبصراحة انت باين الخوف قاتلك والخوف زي ما بقولوا "قطاع الركب".
- وانت لارضيت بمدريد ولا بأوسلو وإجا اللي أسخم منهم وهذي خريطة الطريق و"أناابليس" ومش عاجباك صراحة "انت مابعجبك العجب ولا الصيام في رجب".
- أنا والله بانصحك لكن الظاهر انو "اللي بينصحك زي اللي بيرصعك".
- على العموم " اللي بيجري على الناس بيجري علينا" والمثل بقول "حط راسك بين هالروس وقول يا قطاع الروس".
- كل اللي بدي أقوله "داوي جرحك مليح لابيدمي ولا بقيح" واحنا دوانا بها الجهاد المبارك والمقاومة بكل شارع وطريق مش بالجبن والخوف والجري ورا خرابيط الطريق!!
*كاتب فلسطيني