مشاهدة النسخة كاملة : الصيفي والدكاترة
تاج الوقار
11th May 2009, 03:13 PM
السلام عليكم
ايام التسجيل للصيفي والكل بيتساءل مع مين أنزل المادة؟؟ مين احسن ؟؟ :mm1:
قلت خلينا نشوف آراء اللي أخدوا المتطلبات ونشوف...
.......
مثلا حضارات عالمية.. انا اخذتها مع د.رانية المهتدي وكانت المادة حلوة والدكتورة شرحها وامتحاناتها بسيطة... صحيح نفسي اعرف كيف بتحط العلاماتفي النهاية.. بس على كل الاحوال ما في كلام غير بالخير عليها
مهارات اللغة العربية... هذا الصيفي مش نازلة مع الدكتور اللي اخدتها معه فمش راح يفرق اذا حكيت او لا
واللغة الانجليزية نفس الكلام
الطبيعة والبيئة .. ما بقدر احكي اشي لسه ما خلصنا الفصل.. وما حضرت كل المحاضرات في المادة فأي كلمة ممكن أحكيها ممكن يكون فيها خطأ
من المواد اللي نازلة هذا الصيف في بيت مقدس وثقافة اسلامية وحضارات وطبيعة وبيئة وتفكير منطقي وعربي وانجليزي وعبري وفرنسي وموسيقى تذوق النص الادبي والديمقراطية وحقوق الانسان
اعطونا رأيكم وتجربتكم
:))
دعواتكم
أبو غيث
11th May 2009, 04:05 PM
بسم الله الرحمن الرحيم
انا ضايل على انجليزي 110 من الثقافي بس
على كل حال
عندكم الحضارات
اخذتها مع علي قليبو وهاد الزلمه اشتريلو كاسه قهوه كل محاضره بتجيب معاه 90
من دون لا تدرس
واقرأ في المحاضره قصص جاجامش بتجيب احلا علامه
.....
طبيعه وبيئه
مع واحد اسمو عامر كنعان
اجا درس فصل وراح
وامتحاناتو كانت سهله
..........
بيت المقدس
اخذتها مع غسان محيبش ايام ما كنت سنفور
احفظ وعبي ورق في الامتحانات بتجيب علامات
والزلمه محترم كثيررر
...............
مهارات لغه عربيه
اخذتها مع واحد اتوقع اسمو قاسم صلاح
اوعو حد ينزل معو
بوكلها
حطلي 10 بالفيرست وانا بجيب18 بس عشان الاخطاء الاملائيه
يعني ليش النون الها شحطه ونقطه..
وبالاخر خسفنا بالعلامه
الله يسامحو
......................
ثقافه اسلاميه
مع عزيز ابو راس
كل الاحترام له وانصح ان يأخذها الجميع معه
لانو زلمه حقاني ومحترم
وبتفهم الطلاب
بعدين من جماعتنا ...:sm244:
............
تفكير منطقي
اخذتها مع مازن ابو عيسى
استاذ فيزياء
محترم على الاخر وحقاني
واسألتو منيحه وبساعد شوي بالعلامات
.............................
واخذت عبري من الاختياري
عبري 1 مع استاذ اجا فصل وراح
اسمو رمضان مطري
بس هاد زمان...سنه ثانيه
عبري 2 مع عماد محيسن
انصح بأخذ الماده معه للي بخافو من العبري
محترم على الاخر بساعد الطلاب
بعدين علامات المشاره معااه على النسخ
يعني قد ما بتنسخ دروس بتوخد علامات
.
.
شو ضل موااد.....؟
خلصن
بدي انزل انجليزي 110 على الصيفي
.
.
.
انو احسن دكتور واسئلتو سهله ومحترم ....!!!
ساعدونا
أبو أيهم
11th May 2009, 05:58 PM
على كل حال
عندكم الحضارات
اخذتها مع علي قليبو وهاد الزلمه اشتريلو كاسه قهوه كل محاضره بتجيب معاه 90
من دون لا تدرس
واقرأ في المحاضره قصص جاجامش بتجيب احلا علامه
اسمها قصة جلجامش;)
ما بعرف علي قليبو ، لكن أخذتها مع د. رانية المهتدي الصيف الماضي وكانت المحاضرة رائعة
لإنها فهمانة بالمادة اللي بتعطيها ، لكن عندها مشكلة بإنها غير قادرة على ضبط المحاضرة .
ومثل ما قالت الأخت تاج الوقار امتحاناتها بسيطة والكل بيشكر فيها .
..........................
بدي انزل انجليزي 110 على الصيفي
.
.
.
انو احسن دكتور واسئلتو سهله ومحترم ....!!!
ساعدونا
أنا نزلتها مع الأستاذة فاطمة عديلة ،،، و شرحها كان ممتاز وفي العلامات بتعطيك اللي بتستحقه .
الأغلب بيشكر فيها وبيطلع من عندها ألف ألف بالإنجليزي وامتحاناتها جدا سهلة .
بس مش من جماعتنا ....
أما أنا فبدي أسأل عن الأستاذ جهاد عبادي اللي بيعطي مادة طبيعة وبيئة كيف هو؟؟
وجزاكم الله خير ..
بوركت أختي على الموضوع .
:Good:
أبو غيث
11th May 2009, 06:25 PM
أنا نزلتها مع الأستاذة فاطمة عديلة ،،، و شرحها كان ممتاز وفي العلامات بتعطيك اللي بتستحقه .
ما انا حملتها معاها :Aw8:
بس ايامها كنت سنفور
وكان معي 18 ساعه
و5 محاضرات هداك اليوم بين كل محاضره والتانيه 10 دقائق
والمشكله كانت هي المحاضره الخامسه
يعني كنا ...ما بنعرف اشي
وهي على فكره الي ناوي انزلها معاها..:sm244:
Qassam Lover
11th May 2009, 09:36 PM
:3A6:
انصحكم اخوتي بالتالي
أما أنا فبدي أسأل عن الأستاذ جهاد عبادي اللي بيعطي مادة طبيعة وبيئة كيف هو؟؟
طبيعه و بيئه فلسطين مع الدكتور مسلم ابو الحلو :Good: اخذتها على الصيفي الماضي و كان رايق على الاخر ، اسئله ولا احلى " بس بدك تبصم شوي :AW23:"
انا ما اخذتها مع د. جهاد عبادي بس الشباب الي اخذوها معاه ندموا كثير :D18: "هو من دائره علوم الارض و البيئه جننهم النباتات و التربه بادق التفاصيل :sm252: ...."
بدي انزل انجليزي 110 على الصيفي
.
.
.
انو احسن دكتور واسئلتو سهله ومحترم ....!!!
انجليزي 1 / 2 مع الدكتور ساكت الشلالده الاستاذ ما بغلبك كثير اسئلتوا سهله و واضحه واحسن من غيره
وباكد على الاخ ابو ايهم بخصوص د. فاطمه عديله فهي حسب ما بسمع شرحها منيح
و كمان انا قدمت امتحان انجليزي 2 "incomplete " مع د . رنا السرخي" لانو كان د . ساكت مسافر:fd3: " و كان الامتحان مسخره
الحضارات العالميه مع د. يوسف الهريمي الماده قصص و الاسئله تافهه "كانوا الشباب بحكوا انه شيعي و بضل يسب على الصحابه:mad: اثناء النقاش بصور غير مباشره عشان هيك نزلناها معاه ، بس طول الفصل ما جاب سيره السنه و لا الشيعه :sm244:"
مهارات لغه عربيه مع د. مروان ابو راس كويس و محترم و بشرح منيح
ثقافه اسلاميه
ثقافه اسلاميه
مع عزيز ابو راس
كل الاحترام له وانصح ان يأخذها الجميع معه
لانو زلمه حقاني ومحترم
وبتفهم الطلاب
بعدين من جماعتنا ...
:Good:
الديمقراطيه و حقوق الانسان مع د . امين حباس ، الماده انا بدي انزلها على الصيفي لانه الدكتور ولا ارووع "منزل معاه مساق كيفيه حل النزاعات بالطرق السلميه" على الرغم من و جود بعض الافكار الغير مقبوله "الله يهدي" ،بالمناسبه الدكتور بدرس ببلاش "متطوع"
تفكير منطقي انا اخذتها مع د . عمر الريماوي دكتور و لا اهبل، شايف حالوا، ما بنصح حدا ينزل معاه .
تاج الوقار
11th May 2009, 11:47 PM
تفكير منطقي انا اخذتها مع د . عمر الريماوي دكتور و لا اهبل، شايف حالوا، ما بنصح حدا ينزل معاه .
هذا كلام مش مقبول أخي الكريم
بدنا نحكي عن تجاربنا بدون منغلط في حد وخاصة دكاترتنا لأنهم مهما كانوا بيضلوا دكاترة في الجامعة وعلينا نحترمهم لأن أخلاقنا توجب علينا ذلك... وما بدنا نحكي أي سبب غير أخلاقنا.
دعواتكم
أبو عبيدة
17th May 2009, 05:40 PM
الحضارات العالميه مع د. يوسف الهريمي الماده قصص و الاسئله تافهه "كانوا الشباب بحكوا انه شيعي و بضل يسب على الصحابه اثناء النقاش بصور غير مباشره عشان هيك نزلناها معاه ، بس طول الفصل ما جاب سيره السنه و لا الشيعه "
هو كثير اجت عليه شكاوي للجامعة و للكتلة عشان هيك يبدو أنه اختصر...
المشكلة انها المادة كلها غير مقنعة و خصوصا مجموعة القصص الفارغة التي لا ادري ما الفائدة منها اضافة الى احتوائها الى كثير من الجاوزات و الايحاءات اللاأخلاقية المباشرة.
تاج الوقار
18th May 2009, 10:27 PM
المشكلة انها المادة كلها غير مقنعة و خصوصا مجموعة القصص الفارغة التي لا ادري ما الفائدة منها اضافة الى احتوائها الى كثير من الجاوزات و الايحاءات اللاأخلاقية المباشرة.
بالنسبة لهذه المادة.. فأظنني الوحيدة في الجامعة التي استمتعت بدراستها
هذه المادة سهلة ولا أظن في اثنين بيختلفوا على هذا الامر
ولكن الأساطير فيها وكل التجاوزات والايحاءات التي تتكلمون عنها فسرت لي الكثير من قصص الأفلام الكرتونية والرسوم المتحركة.. كنت دائما أتعجب من أين يأتي مؤلف الرسوم بمثل هذه الخرافات وبسبب هذه المادة توضح لي الأمر كثيرا... كنت أقول حتى الرسوم يربون الاطفال فيها على انحطاط الاخلاق وقد تصل بهم إلى الكفر
يعني هذه القصص الفارغة التي لا فائدة منها بالنسبة لنا هي جزء من الثقافة الاعلامية للأطفال التي تغزو البيوت كل يوم
بالاضافة إنو الواحد احيانا بيستمتع بقراءة الافكار الهبلة وبيقول الحمد لله الذي هدانا لهذا الدين
هذه وجهة نظري في المادة
وتقريبا الدراسة باستمتاع أمر مفيد
أكرمكم المولى ورضي عنكم
دعواتكم
صوت الحق
19th May 2009, 08:27 AM
السلام عليكم ورحمة الله وبركاته
بارك الله فيك أخيتي .. موضوع مفيد
بالنسبة لي .. المواد التي أخذتها لم تنزل مع من أخذتها معهم من الدكاترة .. فلا داعي للكلام ..
فقط مساق مهارات لغة عربية رأيتها نازلة مع الدكتور أحمد دعمس جزاه الله كل خير .. حقيقة لمن يسعى للعلم لا للعلامة فأنا أنصح بأخذ المادة معه جدا رائعة وممتعة ومفيدة ويعطي الطالب العلامة التي يستحقها ..
وفقكم الله لكل خير
ودعواتكم
كرمة القسام
23rd May 2009, 07:51 PM
السلام عليكم ورحمة الله..
للأمانه بدي احكي بالنسبة الي وللي كانوا معي بهاي المواد الثقافيه كيف شفنا الدكاتره:
اولا الحضارات منيحه مع الدكتورة رانية وكتير كمان
الانجلش بعرف انو الدكتورة فاطمة احسن اشي كل واحد بوخد اللي بستحقه عندها
الطبيعه وبيئه نزلتها مع الدكتور جهاد عبادي الصيف الماضي وكان اول مرة بدرس فيها الماده وبالعكس
كتير منيح وبعينلك بالكلمات والاسطر شو تحفظ من الكتاب وبياخدكم بالاخير رحلة حلوة عالشمال وكتير الدكتور محترم..
العربي اوعكم ثم اوعكم حد ينزلها مع الدكتور قاسم صلاح..بصير بنص الشرح يسب عليكم وانتو مابتعرفو..وامتحاناتو ولااروع
تخصص العربي ما بجيبلهم هيك...بحكوا في واحد اسمو روحي منيح...
الثقافه الاسلامية كانت مع الدكتور جميل حمامي ...محترم كتير كمان واسئلته منيحه بس ما بتنازل ولا عن دقيقه من المحاضره...
هاد اللي عندي والله..بس بدي اسأل مين اسهل من المواد الاختياريه ومع اي دكتور احسن:
الفنون الجميله ولا المرأه والرجل؟
أبو غيث
23rd May 2009, 08:03 PM
العربي اوعكم ثم اوعكم حد ينزلها مع الدكتور قاسم صلاح..بصير بنص الشرح يسب عليكم وانتو مابتعرفو..وامتحاناتو ولااروع
كلام سليم 100%
اد اللي عندي والله..بس بدي اسأل مين اسهل من المواد الاختياريه ومع اي دكتور احسن:
الفنون الجميله ولا المرأه والرجل؟
اسمعي مني وخذي لغات احسن
على الاقل بتستفيدي لغه
والاحسن خ ذي عبري
من عرف لغة قوم امن شرهم
دعواتكم
كرمة القسام
23rd May 2009, 08:35 PM
اسمعي مني وخذي لغات احسن
على الاقل بتستفيدي لغه
والاحسن خ ذي عبري
من عرف لغة قوم امن شرهم
دعواتكم
الله يجزيك الخير..لأ بس انا ضايلي اختياري 3 ساعات وممنوع انزل لغة الا انزل بعدها
لغة 2 فمش عارفه شو اعمل؟!!!
أبو غيث
23rd May 2009, 08:39 PM
الله يجزيك الخير..لأ بس انا ضايلي اختياري 3 ساعات وممنوع انزل لغة الا انزل بعدها
لغة 2 فمش عارفه شو اعمل؟!!!
والله يا اختي ما الي خبره بباقي المواد
سؤاااال للجميع
بافتح على المواد المطروحه قسم اللغات ما في اشي نازل
ليش:mm1:
يا ريت تخبرونا
تاج الوقار
23rd May 2009, 08:43 PM
السلام عليكم ورحمة الله
أختي كرمة القسام.. بالنسبة للمادة اللي بدك تاخديها.. فلأني ما اخدت الفنون ولا الرجل والمرأة... فالتفكير السليم بيقول أي مادة ممكن تزيد عندك معلومات أو تخليكي تفهمي اشي ما بتعرفي عنه إلا القليل... وبعيدا عن كيفية تناول الدكاترة للمواد وكيفية طرحها..
لو كنت مكانك سأختار مادة رجل ومرأة ليس لشيء إلا لأعرف كيف يحاولون غرس بعض الافكار عند الطلاب وكيف تفكر الاستاذة التي تعطي المادة.. وكيف يتناول الطلاب والطالبات مواضيع المادة او مدى تأثرهم بما فيها وقبلوهم له
بالتوفيق أختي:)
حبيبة الرسول
23rd May 2009, 11:50 PM
الفنون الجميله ولا المرأه والرجل؟
أعتقد هالفصل مش نازل ولا وحدة منهم ...
والله أعلم ليش هيك هالفصل .. المواد الاختيارية مقلصة جداااا ...
هو انتي مش مخلصة مواد .... يلا الله يوفقك و تخلصيهم .... أنا خلصتهم زماااان ... :))
العربي اوعكم ثم اوعكم حد ينزلها مع الدكتور قاسم صلاح..بصير بنص الشرح يسب عليكم وانتو مابتعرفو..وامتحاناتو ولااروع
تخصص العربي ما بجيبلهم هيك...بحكوا في واحد اسمو روحي منيح...
آه بتذكر أخذناها مع بعض ... و المحاضرة اللي مدتها 3 ساعات .... كنت أحسها 3 أيام ... متعبة جدا محاضراته ... و بتـــــــــزهق ...
بس أعتقد انه هالفصل نازل معاه شعب ... و اللي بده ينزل معاه ... يحفظ الكتاب منيح حتى لو كان الاشي مش متوقع يجيبه ... مثلا كان يجيبلنا ... متى تستخدم الفاصلىة المنقوطة ؟؟؟ متى يستخدم الفاعل ؟؟ والامتحانات غريبة عجيبة ...
بس بالآخر حطلي بالتسعين ... كيف ما بعرف ... بس بتذكر لما شفت العلامة ... انصدمت :))
أما الدكتور روحي ثروت ... جابو معاه بالتسعين بكل سهولة ....
....
الحضارات مع الدكتورة رانية .... ما في عليها حكي ...
الانجليزي مع الدكتور حسن حمد ... كمان ما عليه حكي .... بس وقتها الفاينال كان شوي غريب ...
الثقافة الاسلامية ... الدكتور جميل حمامي ... ما عليه حكي
الطبيعة و البيئة .... الدكتور محمد الخطيب ... كان يشرح المادة و يجيب من شرحه ... بس بالاخر طلعت العلامة أقل من المتوقع ...
التفكير المنطقي ... مع الدكتور أشرف أبو خيران ... الكل بيعرفه ... منيح ... والمادة عموما سهلة ما بدها اشي ...
بيت المقدس ... مع الدكتور نسيت اسمه ... أعتقد الدكتور محمود سعيد ... كان منيح .. بس بالامتحانات بيجيب 3 أسئلة بدهم كتابة مجلدات ... و بالفيرست جاب كمان صح و غلط ... ومحاضرته بتزهق ... بس بالاخر العلامات طلعوا حلوين ...
صوت الحق
24th May 2009, 08:49 AM
سؤاااال للجميع
بافتح على المواد المطروحه قسم اللغات ما في اشي نازل
ليش
لأنه كل المواد نازلة في قسم اسمه متطلبات الجامعة ..
هنا (http://student.alquds.edu/?style=gen&sp=courses&colg2=4&depa=0400)
الموحد
5th August 2009, 06:48 PM
اجا الصيفي ... والان
هل الجميع سعيد بالدكتور الذي يدري معاه :)) !!؟
أبو غيث
5th August 2009, 07:17 PM
اجا الصيفي ... والان
هل الجميع سعيد بالدكتور الذي يدري معاه :)) !!؟
لنا رجعه....:Aw8:
Qassam Lover
5th August 2009, 11:33 PM
اجا الصيفي ... والان
هل الجميع سعيد بالدكتور الذي يدري معاه :)) !!؟
انا المواد الي منزلهم تخصص و مش ثقافي :((:
يعني ما بفتي هون :Aw8: