غلاء المهور ،،، مشكلة نقع بها جميعا فأين الحلول

[ابا القسام19]

مشكلة غلاء المهور



http://www.youtube.com/watch?v=FP4lgyBw9FQ









الى اين نلجأ لحل هذه المشكلة ، ام ان البركة قد نزعت من نساء هذه الايام

وهل يحق للبنت الاعتراض على مهرها ، وكما قال الرسول (صلى الله عليه وسلم ) : " اقلكن مهرا اكثركن بركة "

ولا شو رايكم انتو ...؟؟


اعتذر عن عدم تنسيق الموضوع سواء بالصياغة او الترتيب وذلك للسرعة

لي عودة مع تعليقاتكم على الموضوع

[حاملة القرأن]

والله في هاي الايام الابو ما بقول للبنت قديش مهرها اصلا الا من رحم ربي
ولكن في اباء الله ايسامحهم حارمين بناتهم من الزواج بسبب المهر بس البنت ما بتقدر تقول شي واحنا عارفين عادات قرانا
وفي هاي الايام البنت لو اعترضت على المهر بحكولها انتي اسكتي انتي شو عرفك بمصلحتك والافضل ما تحكي بلاش تقع في مشكلة وتبطل تتزوج ولا شو ؟؟؟؟؟؟؟؟؟؟؟
بوركت طرح ممتاز..

[مسك]

فعلا زي ما حكت اختنا حاملة القران
وبعدين الوحدة فينا اذا حطط مهرها "حفظ القران او على الاقل سورة من سوره" ما يعجب حدا
وكأنها عملت اشي غلط
الله يهدي هاالاهل
طرح ممتاز

[أم الريحان]

السلام عليكم ورحمة الله وبركاته

اه والله انها مشكلة...وانا رأيي من رأي أخواتي حاملة القراءن وزلفى...الأهل البدهم توعية والله ...والله في اهل بجلطوا:sm280:

[تاج الوقار]

السلام عليكم

مع أني معكم أنها مشكلة
ولكن .. شباب هذه الايام لا يحملون مسؤولية أنفسهم ولا نعمم إنما المعظم يقع تحت هذا الحكم... فإن تزوج (ببلاش) استهان بالزواج وبالزوجة وبالعائلة ... ولا يلام الأهل إن طلبوا مهرا كبيرا لابنتهم في مثل هذه الحال

ودعونا نتنبه أن الحديث قال أكثرهن بركة.... ولكن لم ينف البركة عن صاحبة المهر الكبير...
ومع ذلك لا بد أن تتعب للحصول على ما تريد لتحافظ عليه سواء بمهر قليل أو كثير

وأظن الوالد عندما يجد أمامه رجلا على قدر الكلمة فلن يطلب المهر الغالي بل ولربما ساعد الشاب في التجهيزات

وليس كل الأهل (واحد) فمنهم من يستشير ابنته فيما تريده من مهر وتجهيزات ولا أدري إن كان هذا يقتصر على من اعرفهم أم أن هناك أمثالهم.

أكرمكم المولى ورزقكم الخير ويسر لكم

[أم الريحان]

السلام عليكم ورحمة الله وبركاته

أختي تاج الوقار بتعرفي في منو كلامك صحيح...بس بتعرفي في اهل ببالغو كثير..يعني البني ادم منيح واهلوا مناح وملتزم ودين واخلاق وبعرفوه وممكن يكونو اهل او جيران ..وبفعدو يعقدو في الامور على شو؟؟

يعني احنا بنحكي عن المبالغة في المهر ...وانا من رأيي لازم يحددو مهر معتدل ويخلو الناس تمشي عليه ..

[الروح الطاهرة]

بسم الله الرحمن الرحيم
السلام عليكم ورحمة الله وبركاته
وبصراحة والله انه موضوع نقاش رائع وفي مكانه
فكم من اخ بقي بلازواج بسبب غلاء المهور
وكم من اخت لم ولن تتزوج لان اباها يغلي بالمهور
وكم من اخ ادت له الظروف الى الهجرة بسبب عدم القدرة على
تلبيى حاجات الزواج
وماهذا من امر الله او رسوله
بل هي العادات السيئة التي لا تفارق الجهال
ومن هنا يبرز لنا الشيطان الرجيم ليسوق اخوننا واخواتنا لاسمح الله
الى ما يغضب رب العزة
فلماذاتزداد البارات الليلة ويزداد روادها
ولماذا في كل يوم حادثة زنا تظهر لنا بالعلن
حسبي الله جل جلاله
وما الحلول فهي بيد اصحاب الشأن اولا الاهل
وثانيا عودنا دائما من اخواننا الدعاة و الشيوخ بأن يزيلو هذه العادات
البائدة ان شاء الله
وعلى حد علمي بحمد الله كانت اولى هذه الخطوات من التخفيف
على العروسين من التكاليف
بمدينة الخليل بعد اتفاق عام بين العائلات الكبرى فيه
ونسأل الله ان ينتشر هذا الامر

[دعوة خالدة]

ولا شو رايكم انتو ...؟؟


والله انا رأي متطلبات العروس ومصاريفها هادي الايام بتحتاج مهر غالي....

ولكن كلو بقدر

والله يسرها عالكل

[الروح الطاهرة]

والله انا رأي متطلبات العروس ومصاريفها هادي الايام بتحتاج مهر غالي....

ولكن كلو بقدر

والله يسرها عالكل
هذا المهم برأيك با اختي
؟؟؟؟؟؟؟؟؟؟؟؟؟؟؟؟؟؟؟؟؟؟

[أبو الخباب]

نعم والله إنها مشكلة :11air:

أتابع بصمت حاليا سأعود للتعليق فيما بعد ...


:11air:


:mad:


:36_6_7:

[حاملة القرأن]

اعاود واقول نحنا في هاي الايام مش المهر اللي غالي وانما تكاليف الزواج الغالية متلا العريس 100 الف تكلفة العرس عشان هيك الشب بين قوسين الشب بس بتأخر على الزواج وبتزوج ع 30
بس للاسف بتروح على البنات زي ما احنا شايفين انو الشباب الله يصلح حالهم بتزوجز بنت 16 او 20 ان كترت و بكون هو 30 يعني بتروح على بنات 24_28 وفي الاخر بيجي ختيار او واحد متزوج بطلبها
هههههههههون المشكلة مش غلاء المهر
الله يصلح هالحال ويكبر عقول الشباب

[Islamgirl]

بورك الجميع في نظري المتواضع جدا ...كن صاحب هدف حقيقي "وحط مئة خط تحت الكلمة الأخيرة" والله جل في علاه رح يفتحلك الدنيا بما فيها ولا اشي رح يوقف امامك ..!؟؟نحن لسنا ابناء نؤمن بالاسباب نؤمن برب الأسباب الذي زوج الصحابة ليس أموالهم وليس كبر عقول أهالي زوجاتهم بل الله جل في علاه لأنهم عظماء عاشوا في تفاصيل حياتهم المهمة كاختيار الزوجة بعظمة فنحن حين نعيش لانفسنا اكيد ربنا رح يوكل لنا الدنيا لأنفسنا لاننا ببساطة نعيش لأنفسنا.!!

[محبة الرسول]

السلام عليكم
يا أخوة ويا أخوات

مش بس هيك في بعض الأباء بحبوها زي كأنها بيعة

يعني بيطلبوا مهر غالي والأب بيوخد جزء منو

يعني تقريبا بيحسبها أتعاب ما ربى بتو وصرف عليه وعلمها ودرسها

يعني بدو بلا مؤاخذة أجارو

وفي كمان يعني قاعات الأفراح لازم ينزلو من أسعار القاعات

وفي بعض البنات الله يهديهم جميهم

بزودوها شوي

مثلا اذا صديقتها أجاها عريس غني

راح يصير عندها غيرة وبتصير بدها كل اشي زي صاحبتها

يعني بتصفية الشغلة شغلة تقلييد

وأنا على رأي معلمتي المرأة بدها رجل

يحميها ويحفظها

ويدير بالو عليها

وإذا دار بالو عليها

شو بدها في المصاري

والمصاريف والحكي الفاضي

يعني الوحدة بدها رجل محترم ودين وأخلاقه عالية

وسيطو سابقو

يعني بالمختصر احنا

بنشتري رجال وشو بدنا في المال

والسلام عليكم

[ابا القسام19]

والله في هاي الايام الابو ما بقول للبنت قديش مهرها اصلا الا من رحم ربي
ولكن في اباء الله ايسامحهم حارمين بناتهم من الزواج بسبب المهر بس البنت ما بتقدر تقول شي واحنا عارفين عادات قرانا
وفي هاي الايام البنت لو اعترضت على المهر بحكولها انتي اسكتي انتي شو عرفك بمصلحتك والافضل ما تحكي بلاش تقع في مشكلة وتبطل تتزوج ولا شو ؟؟؟؟؟؟؟؟؟؟؟
بوركت طرح ممتاز..

بارك الله فيكم اختي الكريمة على ما قدمت

نحن نعلم اختي ان هذه العادات هي التي اثقلت كاهل الشباب فاصبحوا يعزفون عن الزواج

ونعلم ان الاهل لا يعطون لابنتهم الفرصة لكي تبدي رايها في هذا الموضوع ولكن هل يجب على البنت ان تقبل بان تبقى بدون زواج طيلة العمر ..؟؟؟!!!

[أبو مجاهد]

ومالو يا جماعة اتجوزو على الثلاثين :))

لا إفراط ولا تفريط

في النهاية المهر حق للمرأة على زوجها ولكن مثل ما بيحكو إشي ومنو :)

والشب لازم يعتمد على حالو شوي وبالحد الأدنى يوفر متطلبات الزواج
يعني مش منطق أب يزوج بنتو لواحد معوش يصرف على حالو كمان :))

ارائكم رائعة اعجبتني
صراحة تفائلت أنا :))

[ابا القسام19]

فعلا زي ما حكت اختنا حاملة القران
وبعدين الوحدة فينا اذا حطط مهرها "حفظ القران او على الاقل سورة من سوره" ما يعجب حدا
وكأنها عملت اشي غلط
الله يهدي هاالاهل
طرح ممتاز




لا يهم ما يقوله البشر المهم ان يرضى رب البشر

مشكلتنا اننا اصبحنا ننظر الى بعضنا البعض ونتصنع الكثير في حياتنا ونتسابق الى هذه الدنيا الزائلة

مشكلتنا اننا ابتعدنا عن دين الله فلولا ابتعادنا عن كتاب الله ما اصابنا ما نحن فيه من ابتلاء وشدة وعذاب

فلتكن المهور حفظ اجزاء من كتاب الله فهذه من اجمل المهور واقربها الى الله

[ابا القسام19]

السلام عليكم ورحمة الله وبركاته

اه والله انها مشكلة...وانا رأيي من رأي أخواتي حاملة القراءن وزلفى...الأهل البدهم توعية والله ...والله في اهل بجلطوا:sm280:

هنا تكمن المشكلة ( من يقوم بتوعية الاهل ؟؟؟ )

طبعا البنت ما بتقدر تتكلم في متل هيك مواضيع مع اهلها لانهم مش راح يسمعوها

ولكن وجب على الشيوخ ووجهاء العائلات التحرك لانقاذ شبابنا الذي اصبح يتنقل بين طرق معصية الله لانه لا يستطيع ولا يجد من يسانده ويقف بجانبه ..

ولا تقولوا كل الشعب ملتزم وشعبنا عندوا دين واخلاق ،،، ولكن انزلوا على شوارع رام الله وبتعرفوا انوا نسبة المتدينين والملتزمين عندنا مع المبالغة لا تتجاوز 30%

فيجب علينا ان ندفع هؤلاء الوجهاء والشيوخ الى التحرك في محاولة لتحديد سقف اعلى للمهور لا يتجاوز 3000 دينار

[ابا القسام19]

السلام عليكم

مع أني معكم أنها مشكلة
ولكن .. شباب هذه الايام لا يحملون مسؤولية أنفسهم ولا نعمم إنما المعظم يقع تحت هذا الحكم... فإن تزوج (ببلاش) استهان بالزواج وبالزوجة وبالعائلة ... ولا يلام الأهل إن طلبوا مهرا كبيرا لابنتهم في مثل هذه الحال

ودعونا نتنبه أن الحديث قال أكثرهن بركة.... ولكن لم ينف البركة عن صاحبة المهر الكبير...
ومع ذلك لا بد أن تتعب للحصول على ما تريد لتحافظ عليه سواء بمهر قليل أو كثير

وأظن الوالد عندما يجد أمامه رجلا على قدر الكلمة فلن يطلب المهر الغالي بل ولربما ساعد الشاب في التجهيزات

وليس كل الأهل (واحد) فمنهم من يستشير ابنته فيما تريده من مهر وتجهيزات ولا أدري إن كان هذا يقتصر على من اعرفهم أم أن هناك أمثالهم.



حياك الله اختي

كلامك في منو صحيح ،، ولكن ليس كل الشباب لا يحملون مسؤولية انفسهم فنجد ان هناك الكثير من الشباب يستطيع ان يحمل مسؤوليات لا يستطيع من يجاريه في السن على حمل نصفها .

فلا يجب ان نحكم على الناس بمنظور ضيق وبناء على تجربة واحدة

ويجب على الشاب ان يتعب ويجتهد لكي يستر نفسه ولكن مصاريف الاعراس هذه الايام مكلفة كثيرا ويجب الاقتصاد بها



أكرمكم المولى ورزقكم الخير ويسر لكم

اللهم آآمين

[ابا القسام19]

ساعود معقبا على باقي المشاركات غدا بإذن الله

حتى ذلك الحين لا تنسونا من دعواتكم

[ضياء الاقصى]

بارك الله فيك اخي على هذا الموضوع المهم
والله يا اخي المشكلة مو بس في المهر المشكلة بالاف المتطلبات الى بعد المهر وما بعد بعد المهر
يعني الشقة المستقلة وعفش البيت والصالة والعرس وشو بدك تعد
فاحسن شي نضل عزابية ونضل صايمين :))
لانك اذا رح تتزوج رح تكوون مديون لعشر سنين لقدام :11air:
شكراا مجددا على الموضوع

[ضياء الاقصى]

اعاود واقول نحنا في هاي الايام مش المهر اللي غالي وانما تكاليف الزواج الغالية متلا العريس 100 الف تكلفة العرس عشان هيك الشب بين قوسين الشب بس بتأخر على الزواج وبتزوج ع 30
بس للاسف بتروح على البنات زي ما احنا شايفين انو الشباب الله يصلح حالهم بتزوجز بنت 16 او 20 ان كترت و بكون هو 30 يعني بتروح على بنات 24_28 وفي الاخر بيجي ختيار او واحد متزوج بطلبها
هههههههههون المشكلة مش غلاء المهر
الله يصلح هالحال ويكبر عقول الشباب

كلامك صحيح اختي
لكن صدقيني كثير كثير من شباب حتى الملتزمين صاروا يفكروا ياخدوا من الخارج
يعني انا خايف لا بنت 16 ولا بنت 28 يتزوجوا
وعلى فكرة اختي 26 سنة ومو متزوجة تقدملها كثير بس ما عجبوهاا
وهيها مثل ما قلتي يمكن قطار الزواج فاتهاا
وانا يمكن اضرب عن الزواج خلينا عوانس احسن شي:))

[ابا القسام19]

وعلى حد علمي بحمد الله كانت اولى هذه الخطوات من التخفيف
على العروسين من التكاليف
بمدينة الخليل بعد اتفاق عام بين العائلات الكبرى فيه
ونسأل الله ان ينتشر هذا الامر

نسأل الله ان يتم تعميم ذلك في جميع القرى والمدن الفلسطينية

ليتمكن الشباب من الزواج ونستر وشبابنا ونبعدهم عن اوكار الشياطين من الانس

فهاهي سلطة المقاطعة تتباهى بفتح الملاهي الليلية في مدن الضفة وخصوصا رام الله ولذلك هذا المر يجب ان يواجه
بقرار للوجهاء والمشايخ بتسهيل وتخفيف اعباء الزواج عن الشباب والغاء كافة العادات الزائدة والغير ضرورية والتي تكلف اكثر من المهر بكثير

نسأل الله الستر وكافة شباب وبنات المسلمين

[ابا القسام19]

نعم والله إنها مشكلة :11air:

أتابع بصمت حاليا سأعود للتعليق فيما بعد ...


:11air:


:mad:


:36_6_7:




حياك الله اخي

واهلا وسهلا بك

ننتظر مشاركتك معنا

[الروح الطاهرة]

ومالو يا جماعة اتجوزو على الثلاثين

لا إفراط ولا تفريط

في النهاية المهر حق للمرأة على زوجها ولكن مثل ما بيحكو إشي ومنو

والشب لازم يعتمد على حالو شوي وبالحد الأدنى يوفر متطلبات الزواج
يعني مش منطق أب يزوج بنتو لواحد معوش يصرف على حالو كمان

ارائكم رائعة اعجبتني
صراحة تفائلت أنا


مو عارف انا يا اخي مع مين واقف
اول شئ يعني ربنا بزوجك وهاي
دعوة صادقة مني لأخي وحبيبي
ابو مجاهد
ثاني شئ يعني ماحد بيقول انه مو حقها المهر
لكن يا اخي الكريم لابد من وضع حدود بائنة
وواضحة من خلالها نقيد هذا الغلاء
وانت تعلم ان ايامنا هذه يجب ان تكون
فارقة عن الايام والسنوات السابقة
انا برأيي انه يجب ان يكون هناك
ترسيم حدود للمهور والتكاليف
وبشرط ان تكون وسطا لان هناك
تدرج بين الناس
ومن خلال هذه الحدود يمكن ان نحدد
ان شخصا غالى في المهر
او ابخص فيه
ويا اخي لاريب بأن يزيد المقتدر
؟؟؟؟؟؟؟؟؟؟؟؟؟؟؟؟؟؟؟

[مسك]

فعلا مش طالع بإيدنا شي سواء كنا شب او بنت فأحسن شي نصوم
بارك الله فيكم

[سنحيا بالأمل]

هو كل حل هالمشلة ان الأهل لازمهم توعية والكبار ووجهاء العائلات هم يتحركوا..

المهر حق للبنت..ومثل ما حكا اخونا أبو مجاهد مش معقول شب مش قادر يصرف ع حاله يجي وبدو يتزوج..
يعني صح بكفي الاخلاق والدين..ولكن الحياة والجانب المادي له دور كبير..و

بعدين مرد المهر في حال كانوا الزوجين متفقين للبيت نفسه..ما رح تخبيه عن زوجها الوحدة ف حال كان احتياج زوجها اله ملح..
لكن انت قبل ما تحكي عن المهر وان غالي..
انت شو شو عملت..مش تكون قاعد وتحكي اه والله كل اشي غالي..اشتغل وحضر حالك ع قدر استطاعتك
وربنا بيسر بعدها..بس احنا نوخذ بالأسباب ونتوكل على الله..

بعدين انت وهو وهي..كل واحد فيكم يفكر بصراحة
لو اتقدم لاختك حدا برغم التزامه الا انه لا يملك شئ..هل رح توافق؟؟

طبعا لأ..

عشان هيك كل واحد لمن يجي بده يتزوج..يعمل الي عليه وما يقصر..وربنا بيسر
وبالنسبة للغلاء ف المهور..صراحة اعتقد انها صارت تنحل هاي المشكلة بالنسبة للاهل كثير..
وصاروا يتساهلوا فيها عشان ابنائهم وبناتهم..

وربنا بيرزق...

دعـــواتكم
وبورك صاحب الموضوع

[حاملة القرأن]

بصراحة الموضوع اعجبني وحابب اناقش كتير
(ومالو تتزوجو ع التلاتين) مقولة ا ابو مجاهد!!!!!!!!
بس سؤال هل كل اخ بقبل على نفسو انو يتزوج بنت 26 مدام هو عمرو 30 قديش نسبة هؤلاء الشباب 10 % يا ستي 20%
اغلبهن صغار سنفورات اللي بخطبوهن
بعدين انا شايف ان الشباب الملتزمين او المتعلمين يعني بدون زعل شايفين حالهم يعني الواحد بخطب بنت من برة بتكون توجيهي
او سنة اولى في الجامعة طيب والبنات المتخرجات شو مصيرهن تقعد وتطفي
سامحونييييييييي على الكلام
بس شو رأي الاخوات

[أبو الخباب]

أترككم مع هذه المحاضرة

كنت بدي أعلق بس والله سكرت نفسي عن الكتابة

الله ييسر على الشباب


http://www.youtube.com/watch?v=3a2lb1OoEm0


صحيح محاضرة طويلة لكن قيمة

وأيضا حوت أكثر ما علقتم عليه

[ابا القسام19]

للرفع
:fd3:

[أنسام الدعوة]

بارك الله فيك اخي على هذا الموضوع
فعلا الزواج اليوم أصبح هم كبير
بسبب غلاء المهور وغلاء الاسعار
ولكن أهل الفتاة لهم دور كبير في حل هذه المشكلة والتخفيف في مطالبهم
كان الله في عون جميع شبابنا ويسر أموركم
وان شاء الله ربنا برزقكم الزوجات الصالحات ويرزق أخواتنا الازواج الصالحين