جامعة القدس تدشن مصعد خاص للطلبة من ذوي الاحتياجات الخاصة ..ايش رأيكم؟!!

[المقدسي]

جامعة القدس تدشن مصعد خاص للطلبة من ذوي الاحتياجات الخاصة الممول من مؤسسة عرفان كندا

أكيد الكل شاف المصعد الجديد .. وانا :)
واراه احيانا مغلق!

بداية اشكر ادارة الجامعة على هذا التطور الرائع في المصاعد ( الاصانصيل )

ولكنني لا اجده للمعاقين بقدر ما هو للماشيين :Aw8:


وزيادة على هيك
حاسسته صغير بالنسبة لطلبة كلية العلوم وموظقيها


انتم ايش رأيكم؟

[المقدسي]

صورة من الافتتاح
http://financialaid.alquds.edu/images/stories/erfan1.jpg

[المقدسي]

في الجريدة ايضا
http://financialaid.alquds.edu/images/stories/241aqu.jpg

المصدر (http://financialaid.alquds.edu/ar/component/content/article/3-general-news/76-erfan.html)

[أم الريحان]

السلام عليكم ورحمة الله وبركاته

رأينا أخي......الجامعة مستعدة تحط مصاريها في اي إشي بس ما تعطي الطلاب مساعدات!!!!!

يعني المصعد لمين؟؟؟؟؟؟كلية العلوم كلها ما فيها إلا طالب واحد مقعد ...وكانوا أصحابوا الله يجزيهم الخير يطلعوا الدرج....

هاي الدعيات كلها عشان تبين للمساعدين في دعم الجامعة انو الجامعة مستثمرة اموالكم منيح .....يعني وزعنا على الطلاب مساعدات والباقي عملنا في مصعد !!!!!!

يعني أشياء كمالية ما إلها لازم.......وكمان ساحة النوافير على شكل صليب!!!!!!! عشان شو؟؟؟؟؟

حسابهم عسير الله يجيرنا !!!!!!!!!!

[رحيق القسام]

والله أنو حلو كل ما بدي اطلع على المصلى بطلع علي ..
يعني مريحنا شوي ..مع أنو كلية العلوم مش بحاجة يعني تماما زي كليتنا الحقوق
بس شو بدنا نعمل ؟؟؟؟

[حبيبة الرسول]

.وكمان ساحة النوافير على شكل صليب!!!!!!!


أعتذر يا أختي .. لكن مش داخلة مخي شغلة " صليب " ... خلي فكرنا يكون اوسع .. " اصلا ما حدا منتبه صليب و لا غيره " ...

يكفي الشجر و " الحمضيات " اللي ممنوع نقطفها ...:) ... و النوافير .... ربي بيشهد انه بفرح جدا لما اشوفهم او اكون هناك ... بغض النظر عن جانب النصب او حرمان الطلاب من المساعدات ...



ثاني شغلة ... المصعد .... يعني صحيح هو صغير ... و صحيح مش لازم لكل الطلاب ... بس مرات بيلزم ...
لذلك ... مبــــارك للجامعة و لطلاب العلوم خاصة ... انبسطوا الجامعة بدها تريحكم ... :)


" مش تفكروني بدافع عن ادارة الجامعة " ... لكن الحق يقال ... لما الجامعة تكون مرتبة ... و ماء و خضرة و شجر ... الواحد بتنفتح نفسه ...

... أروع جامعة ... :)) جامعة القدس :)) .....

:

[أم الريحان]

السلام عليكم ورحمة الله وبركاته

أختي ((حبيبة الرسول)) يبدو انك ما فهمتي قصدي ........انا ما بدي ابين انو شكل النوافير صليب صحيح شكلها استفزني ..إن شاء الله يكون شكلها جمجمة وعظمتين!!!!!!!!أنها ما بهمني.....

أختي حكتي (خلي فكرنا يكون اوسع )..........وعشان يكون فكري اوسع ....في ناس كثير في الجامعة مش قادرة تدفع رسوم الجامعة بصدق.....إحنا الحمدلله قادرين ندفع ممكن تسهل ممكن ندين.....بس في ناس لأأأأأأأأأ.....

أنا يا أختي معك تكون الجامعة مرتبة بالعكس تكون افضل جامعة بكل إشي.....جامعتي هي مش راح اذمها!!

بس يا أختي في حدود المعقول .....المصعد ليس له داعي.....وبالنسبة لساحة النوافير ممكن تكون ابسط من هيك ومرتبة ...
أختي في إشي اسمو الأولويات......

مع انو بناقش على إشي صار وخلص .......
بس حبيت ابين وجهة نظري ليس إلا........سامحينا

[دعوة خالدة]

وقفت عالمصعد

الله اعلم

[أبو غيث]

الجامعه اهم شغله هي منظرها وهيبتها

بعدين بتفكر بالطالب

يعني لو فش مبنى مثل العالم...ما كان في طلاب
وكل ما تطورت الجامعه ..كل ما اجا طلاب...
وزاد النهب
:11air:
حسبي الله ونعم الوكيل

بس يا جماعه مليح انو تكون جامعتو الواحد فيها تكنلوجي

بس انا مع انشاء المصعد...اخواننا كل واحد يتخيل نفسوا مكان الاخ القعيد ...
شو بدو يكون موقفو ...الله يعنيهم على مبتلاهم


يكفي الشجر و " الحمضيات " اللي ممنوع نقطفها ..

هو ضل اشي ..لقطوهن زمان:Aw8:

[بسمة أمل]

بارك الله فيك
والله انو شيء حلو حلو انو نشوف الجامعه حلوه

[إبن الدعوة]

إشي اسمو الأولويات

كده القصة هطوول كثييييييير ,, الاولويات بدها رسالة ماجستير اذا بتقضيها

مبارك لطلبة العلوم ومرابطين العلوم

[الشهيد الحي]

السلام عليكم،

إخوتي و أخواتي،،

في الحقيقة المصعد شيء جميل و متطور و له فائدة.....

و لكن بالنسبة للنوافير و ما شابهها من كافتيريات و لوحات؛ فأنا أرى أن جامعتنا لا تهمها مصلحة الطالب في شيء و كما قلتم فإن هناك آلاف الطلاب لا يملكون قسط الجامعة، وهناك قسم من الطلاب لم يسجلوا حتى الآن بسبب الوضع المالي السيء..... أسأل الله أن يعينهم.

و قضية أخرى، الاخوة في كلية الطب بحاجة إلى مختبرات و تقنيات و أدوات كثييييييييييييييييييرة جدّاً و لا يمكن عده، وجامعاتنا نااااااااااااااااااااااائمة أو متنااااااااااااااااااااااائمة و لا تصغي لنا أبداً، و هذا بالتأكيد أهم مما سبق ذكره (كافتيريات، نوافير،...الخ)
.
.
.
.
.
.
.
.
في الحقيقة يا إخوان أنا أرى أنننا في جامعة إدارتها حقيرة و غير مسؤولة

[فيزيائية القسام]

منيح مش غلط



بالفعل في امور اهم


مع انو المصعد ما شالله مش متوقف دايما شغال

طالعين نازلين


وبالفعل الجامعة مهتمة جدا بالشكل العام اهم من المختبرات وامور هامة للطلاب



لازم يكون في اتزان بهاد الامر



ربنا المستعان :(

[عاشقة الشهادة]

هو المصعد مهم .. بس في أشياء أهم كثير زي ما حكيتوا ..

بالفصل الماضي .. مختبرات الكيمياء صار فيها حريق .. من كثر ما فيها احتياطات أمنية ..

حتى في مختبرات منهم مأنتكة والواحد بيقرف يدخلهم .. وطبعاً المواد الكيماوية فيهن أبداً مش خطرة إلا شوي ..

وبالصيف بنذوب في القاعات من الشوب ... :sm252:

بس نفسي حد يفهمني شو بتعني اللوحة الفنية اللي حاطينها على مدخل العلوم .. شو هالهبل :Aw8:

[أبو غيث]

ومرابطين العلوم



:Aw8: :Aw8:

[زهرة الضفة]

والله من ناحية المصعد انا كتير اعجبني فكرتو مع انو ما الو لازمة ,بس يعني اكثر الكليات صار فيها مصاعد ,ومنيح انو الجامعة بتفكر بطلابها , يعني كشغلة نفسية للطالب وانا بغض النظر كثير مبسوطة اني اجيت على هاي الجامعة وهي أفضل من كثير من الجامعات بالضفة
الحمد لله

:))

[زهرة الضفة]

هههههههههههههه والله انا كمان يا اختي حاولت اعرف شو معناها مرات بضل اتامل بالصورة حتى افهم منها اشي بس عببببس ولا اشي مع اني بفهم بالفن بس مش حلوة الصورة اللي حاطينها على المدخل يعني يا ريت لو حطوا اشي معبر اكتر:Aw8::Aw8:[/SIZE]

[أم الريحان]

السلام عليكم ورحمة الله وبركاته
ومنيح انو الجامعة بتفكر بطلابها!!!!!!!!!

شكلك سنفورة......بتكبري وبتعرفي حرص إدارة الجامعة علينا؟؟



على المدخل يعني يا ريت لو حطوا اشي معبر اكتر

يعني قبة الصخرة شو مالها......بتجنن!!!!!!!!!
بس بتعرفي حكوك المرأة وما ادراكِ ما حقوقها!!!

[Qassam Lover]

و ليش انتو مكبرين الموضوع ؟؟
المصعد اهم من اقساط الجامعه بالاف المرات .. كل و احد يتخيل نفسه من ذوي الاحتياجات الخاصه ما سيكون موقفه مع و لا ضد يطلع على محاضرته باحترام و لا يتحمل جميله فلان و علان .. و بعد ما يفكر يتذكر انه عليه الصلاه و السلام قال " لا يؤمن أحدكم حتى يحب لأخيه ما يحب لنفسه" و يراجع حساباته .
اما بالنسبه لموضوع النوافير و المظاهر الجماليه و الطبيعيه الموجوده في الجامعه فالنقاش فيها يطول لكن و جودها خير من عدمه على جميع الاصعده و اقلها راحه الطالب النفسيه عند تعرضه لضغط معين في دراسه او غيرها .. و من ثم بالنسبه لموضوع الاقساط فالجميع بيعرف انه جامعتنا من ارخص الجامعات في اسعار الساعات و بتقدم لطلبتها مثل غيرها من الجامعات و على صعيد القروض و الاعفائات و زي ما الكل بيعرف فلا يوجد اي طالب من الي قدموا في قائمه الكتله ما اخذ تأجيل 70% من القسط على الاقل عن طريق الوزاره .. و ين تقصير الجامعه في الموضوع ؟؟؟

انا ما بدافع عن الجامعه فسلبيات و سيئات الجامعه و ادارتها كثيره و من ساسها لراسها .. لكن ..الحق يقال ..

[أم الريحان]

السلام عليكم ورحمة الله وبركاته


و من ثم بالنسبه لموضوع الاقساط فالجميع بيعرف انه جامعتنا من ارخص الجامعات في اسعار الساعات و بتقدم لطلبتها مثل غيرها من الجامعات و على صعيد القروض و الاعفائات و زي ما الكل بيعرف فلا يوجد اي طالب من الي قدموا في قائمه الكتله ما اخذ تأجيل 70% من القسط على الاقل عن طريق الوزاره .. و ين تقصير الجامعه في الموضوع ؟؟؟


بعد شوووووووووو؟؟؟؟؟؟


ارخص الجامعات في اسعار الساعات

لأ.....

[زهرة الضفة]

بس بتعرفي حكوك المرأة وما ادراكِ ما حقوقها!!!
ما فهمت شو دخل حقوق المراة بالصورة اللي على المدخل يعني انا بعرف انها صورة امراة بس ما اعتقد انو هيك القصد منها والمراة اليوم مستوفية حقوقها كاملة مش بحاجة يعني واضح كثير
تقبلي مروري

[مشكاة النور]

والله اشي حلو مع انو ما كان داعي الو......بس مش خطأ....
ما تخافوا ....اركبوا فيه أنا ركبت فيه مبارح مرتي......يعني مأمن...

[زهرة الضفة]

[
شكلك سنفورة......بتكبري وبتعرفي حرص إدارة الجامعة علينا
عفوا يا اختي هاي مو طريقة تحكي فيها عني انا اول اشي طالبة سنة تانية جامعة مو (سنفورة) واعتقد سنفورة ما بتعبر الا عن الجهل بلأمور وانا لما احكيلك انها بتهتم بطلابها وبتعمل الهم مصاعد هاي مو شغلة سنفرة واكيد انا عم بحاول اعرف عن جامعتنا وبعرف كثير عنها شغلات من الناحية الادارية وبعرف عن شو قصدك, يعني ما كان بحاجة انك تنعتيني بسنفورة!!!!

[كتيبة المحبة في الله]

انا مع المصعد

ولكن اسأل الجامعة ما هو اولى

هل هو هذا المصعد ام تركيب ثلاجات لمياه الشرب

في الصيف بنموت من العطش

.
.
.

كلهم سرااااقين

[أم الريحان]

السلام عليكم ورحمة الله وبركاته

أختي زهرة الضفة أنا آسف كثير .....والله ما قصدي أزعلك......أنا بحكي على سبيل المزح......

سامحيني ....الله يسعدك..........أختي بعدين كلمة سنفورة حلوة وأنا بحب أحكيها......بس خلص بما انك ما بتحبيها مش راح أحكي هالكلمة بالمرة....

سامحينا أختي.....

[زهرة الضفة]

السلام عليكم
حياكي الله اختي ام ريحان حصل خير انا مو زعلانة منك ولا يهمك عادي
والله لايجيب الزعل بينا ويجمعنا على الطاعه
تحياتي :))

[Qassam Lover]

السلام عليكم ورحمة الله وبركاته



بعد شوووووووووو؟؟؟؟؟؟



لأ.....


اذا ما بتعرفي اختي ليش صار الاضراب
http://img33.imageshack.us/img33/3903/02162010122211pm.jpg

اختي الكريمه الاضراب لانه الجامعه استجابت لطلب و لقائمه الكتله الاسلاميه فكان التأجيل على الاقل 70% لجميع من كان فيها و لم يكن ذلك لباقي الاطر

[أم الريحان]

السلام عليكم ورحمة الله وبركاته

أنا أسف أخي .......على الغلبة.....والله بيانهم ما بستحق الواحدحتى يفتحو على شاشة الكمبيوتر.......
أخي أنا كنت بحكي بشكل عام على مدى أربع سنوات....لم أرى منهم أي شيء لا منحة ولا تأجيل...بل قروض وبطالبوننا فيها كمان..
برغم توفر إمكانية أعطاء الطلاب منح.....
والله من باب الحرقة كنت اتكلم هنا .....بارك الله فيك أخي
أخي وصلت فكرتكم......